Au secours ! Je suis perdu !
LE FAUX TESTAMENT DE MESSIRE JEHAN DE LA RIVIERE
SEIGNEUR DE CHENY, CAPITAINE ET BAILLY DE SENS

DOCUMENT EXTRAIT DES MINUTES DE Me MENU NOTAIRE A VILLENEUVE-LE-ROY CONSERVÉ EN DÉPOT AUX ARCHIVES DÉPARTEMENTALES DE L'YONNE
Par devant Edme Menu not(aire) royal a Villeneuve le Roy soubzsigne est comparu en personne Me Germain Boulois lieutenant et notaire au bailliage et chastellenie de Cheny y demeurant estant de present audit Villeneuve le Roy lequel a dit déclaré et rapporté pour vérité en sa conscience que deux ans sont ou environ de l'hiver dernier estant de retour en sa maison du lieu de Beaumont ou Il avoit sejourné trois ou quatre jours pour affaires de justice ou Il avait vacqué comme lieutenant au bailliage dudit Beaumont luy fut dit par sa femme que un nommé Monplaisir serviteur domestique du sieur dudit Cheny l'estait venu querir par cinq ou six fois pendant qu'il estoit audit Beaumont pour aller trouver ledit sieur de Cheny en son chasteau audit lieu Occasion qu'Il sy serait en l'acte transporté pour eviter la fureur dudit sieur de Cheny et estant en la cuisine dud. chasteau fut mené et conduit par un nommé la Varenne aussy serviteur domestique dudit sieur de Cheny ayant une espée et un pistollet Jusques dans la chambre ou estoit ledit sieur de Cheny acompagné d'un nommé Launay son domestique et de Me Valerian Bondoux aussy notaire audit Cheny qui tenoit en ses mains un papier escript et signé de luy Bondoux lequel papier escript et signé dudit Bondoux led. sieur de Cheny Commanda audit Boulois de signer aussy comme notaire et voulant ledit Boulois en faire lecture pour scavoir que cestoit luy fut dit par ledit Sr de Cheny avec parolles de rigoeur en ces termes Ventre dieu a quoy vous voulez vous amuser ne conoissez vous pas bien lescripture et signature de Bondoux et tout aussy tost courant led. Sr de Cheny dans son cabinet d'ou sortant de furie Il apporta un pistollet qu'Il banda et dist Esse fait Ce que voyant ledit Boulois pour eviter le peril de sa vie fut contraint de signer led. papier quavoit Ja signé led. Bondoux qui luy presta pour ce sa plume sans scavoir ce qui estoit escript et ce fait led. Sr de Cheny dist ausd. Boulois et Bondoux quilz sen allassent et sen retournant led. Boulois pria led. Bondoux de luy dire quel acte cestoit que led. Sr de Cheny luy avoit ainsy fait signer lequel Bondoux luy fit responce que cestoit un testament de defunt M(essire) Jean de la Riviere vivant sieur dud. Cheny pere dudit sieur de Cheny alors led, Boulois luy replicqua et dist en ces motz vous scavez bien que defunt Monsr est mort sans faire testament ny parler a personne que ce soit a quoy ledit Bondoux fit responce quil estait vray Mais quil nesperoit pas quil neust de laffaire et du trouble pour ce quil avait escript et signé Duquel fait cy dessus led. Boulois n'a jamais osé faire la moindre declaration pour la crainte qu'il a toujours eu et a encore de present dudit sieur de Cheny A cause des grandes violances voies de fait et autres maux quil a et ses suppotz commis et perpetrez sur ceux quil pansait luy avoir fait ou pouvoir faire desplaisir de laquelle declaration et denonciation ledit Boulois a requis acte par luy servir et valloir en temps et lieu et tous autres ainsy quil apartiendra et de lalrotestation quil a faite de nostre a lavenir accusé de crime de Jaux attendu ce que dessus de le denoncer a qui il appartiendra et de se pourvoir par les voies de Justice por sa decharge et justiffication contre lesd. forces et violances fait et expédié audit Villeneuve en lestude dudit notaire royal soub(signé) avant midy le treizieme jor d'Aoust mil six centz treize presents Claude Rouelle sergent royal et Mathieu Guinot marchand demt aud. Villeneuve tesmoins soubz(signés) avec led. Boulois.
Bouloys, M. Guynot, Rouelle, Menu

Retranscription de M Alain Noël
Publié avec l'aimable autorisation du Groupe d'Etude Micro-historique http://gemh.free.fr

Téléchargez ce document en PDF

Retour